Filippində təbii fəlakət 300 insanı məhv edib
Filippində tüğyan edən tropik qasırğa nəticəsində baş verən daşqınlar nəticəsində 200 nəfər ölüb.
“Ölkə.Az” xəbər verir ki, bu barədə “Sinxua” agentliyi məlumat yayıb. Verilən məlumata görə, təbii fəlakət nəticəsində 150 nəfər itkin düşmüş hesab edilir.
Ölümlə nəticələnən hadisələrin əksəriyyəti Mindanao adasındakı Cənubi Lanao və Şimali Zamboanqa əyalətlərində qeydə alınıb. Məlumata görə, ümumilikdə 300 nəfərdən çox sakin ziyan çəkib. Ölkə ərazisində 44 min nəfər üçün nəzərdə tutulmuş 608 təxliyə mərkəzi yaradılıb.
Qeyd edək ki, bundan əvvəl təbii fəlakət nəticəsində 110 nəfərin öldüyü deyilirdi.
Ziya Səccad
Ölkə.Az
