Moskva aeroportunda müəllimədən əl qumbarası tapıldı
“Şeremetyevo” hava limanında həyəcanlı anlar yaşanıb.
“Ölkə.Az” xəbər verir ki, bu barədə “Daily Mail” məlumat yayıb. Verilən məlumata görə, yoxlanış terminalından keçərkən 46 yaşlı qadın saxlanılıb. Onun üzərinə baxış zamanı britaniyalı müəllimədən əl qumbarası tapılıb.
Dindirilmə zamanı müəllimə deyib ki, əl qumbarasını Moskva bazarlarından birindən alıb. Müəllimənin məqsədi sursatı Londona aparmaq və dərs vəsaiti kimi istifadə etmək olub.Onun sözlərinə görə, London məktəbində tarix dərslərində şagirdlərə əl qumbarasını nümayiş etdirmək istəyib.
Əraziyə bomba mütəxəssisləri cəlb edilib. Yoxlamalar zamanı məlum olub ki, əl qumbarası saxtadır. Yəni həqiqi döyüş sursatından fərqlənməyən qumbara təhlükəsizdir. Ondan məktəblərdə hərbi dərslər zamanı istifadə edirlər.
Ziya Səccad
Ölkə.Az
