Məhkəmə icraçılarına etiraz edən gənc intihara əl atdı
Nəsimi rayonunda məhkəmə icraçılarına etiraz edən gənc intihara cəhd edib.
Hadisə rayonun Mirzə İbrahimov küçəsi 14 ünvanında baş verib.
“Ölkə.Az”ın məlumatına görə, 1992-ci il təvəllüdlü Ələsgərli Tamerlan Rövşən oğlu binanın damına qalxaraq Şəmkir rayon məhkəməsinin qərarının icra olunmamağına etiraz əlaməti olaraq intihar etmək istəyib.
Hadisə yerinə gələn FHN-nin xilasetmə qrupu, polis əməkdaşları 25 yaşlı gənclə apardıqları profilaktik söhbətlərdən sonra onu damdan düşürə biliblər.
Faktla əlaqədar Nəsimi rayon prokurorluğunda araşdırmalara başlanılıb.
Ölkə.Az
