SOCAR-ın Türkiyədəki ən böyük aktivi olan “Petkim” özünün törəmə şirkətinin səhmlərinin 30 faizini satıb

Azərbaycan Respublikası Dövlət Neft Şirkətinin (SOCAR) Türkiyədəki ən böyük aktivi və səhmlərinin 61,32 faizi ona məxsus olan “Petkim PetroKimya Holding A.Ş.”nin törəmə şirkəti “Petlim Limancılık Ticaret A.Ş.” səhmlərinin 30 faizini “Goldman Sachs” şirkətinə satıb.

Bu barədə məlumat Türkiyənin Cəmiyyəti Məlumatlandırma Platformasının (Kamuyu Aydınlatma Platformu (KAP) rəsmi saytında yer alıb. Məlumatda bildirilir ki, “Petkim PetroKimya Holding A.Ş.”nin törəmə şirkəti “Petlim Limancılık Ticaret A.Ş.”nin səhmlərinin 30 faizini təşkil edən 45 milyon ədədlik hissəsi 250 milyon dollara “Goldman Sachs” şirkəti tərəfindən satın alınıb./Azərtac/

Ölkə.Az