İrandan inqilabi qərar
İranda polis rəsmiləri yeni qərarı açıqlayıblar.
"Ölkə.Az" xəbər verir ki, açıqlamaya əsasən, artıq İslama uyğun paltar geyinməyən qadınlar həbs edilməyəcək.
İranda 1979-cu ildə İslam İnqilabı baş verib. Bu dövrdən etibarən qadınlara qarşı məcburi geyim qaydası tətbiq edilirdi. Tehran polis idarəsinin rəisi Hüseyn Rəhimi bildirib ki, İslam qaydalarına uyğun paltar geyinməyən qadınlar polis mərkəzlərinə aparılmayacaq və barələrində cinayət işi açılmayacaq.
Tehranda 100-dən çox mərkəz açıldığını qeyd edən Rəhimi qaydalara tabe olmayan qadınların həbs edilmək əvəzinə təlim mərkəzlərində İslam qaydalarına görə məlumatlandırılacaqlarını bildirib. Bununla yanaşı, qanunu ikinci dəfə pozan qadınlar barədə hüquqi prosedurun başlayacağı da qeyd edilib.
Hikmət Həsənov
Ölkə.Az
