“Qəbələ” klubu britaniyalı futbolçu ilə yollarını ayırdı
“Qəbələ” klubu Endi Hallidey ilə yollarını ayırıb.
"Ölkə.Az" Report-a istinadən xəbər verir ki, 26 yaşlı britaniyalı futbolçu müqavilə ilə məxsus olduğu Şotlandiyanın "Reyncers" klubuna dönəcək.
Qarşılıqlı razılaşmaya əsasən, 26 yaşlı yarımmüdafiəçinin "qırmızı-qaralar"la 1 illik icarə müqaviləsinə vaxtından əvvəl xitam verilib. Hallidey həftəsonu təlim-məşq toplanışı üçün ABŞ-ın Florida ştatına yollanacaq Qlazqo təmsilçisinin heyətində yer alacaq.
Qeyd edək ki, yayda "Qəbələ"yə keçən Endi Hallidey əsas heyətə düşməkdə çətinlik çəkirdi. O, Premyer Liqanın geridə qalan 14 turunda cəmi 3 dəfə meydana çıxıb.
