Bayram günlərində Azərişıqdan 48 şikayət olub
Bayram günləri ərzində “Azərişıq” ASC-nin 199 saylı “Cağrı mərkəzi”nə cəmi 48 fərdi müraciət daxil olub.
Əməkdaşlar operativ qaydada həmin ünvanlara baş çəkərək müraciətlər əsasında lazım olan tədbirləri görüblər. O cümlədən bayram günləri ərzində ölkənin qış turizmi bölgələrində elektrik enerjisi təchizatının fasiləsiz təmin edilməsi üçün bütün ehtiyat tədbirləri görülüb. Nəticədə bu bölgələrdə də elektrik təchizatı sarıdan heç bir problem qeydə alınmayıb və bu da bölgələrə axın edən yerli, xarici turistlərin istirahətinin yüksək səviyyədə təmin olunmasına öz töhfəsini verib.
“Azərişıq” ASC -dən "Ölkə.Az" -a verilən məlumata görə, paytaxt Bakıda və Azərbaycanın regionlarında bayram günlərində elektrik enerjisi ilə təchizat sarıdan heç bir problem yaşanmayıb.
ASC bayram günləri ərzində gücləndirilmiş iş rejimində işləyib və elektrik enerjisi ilə təchizat baxımından problemlərlə bağlı daxil olan bütün müraciətlərə çevik reaksiya verib.
