AMB notlarının çoxunu sata bilmədi

Bakı Fond Birjasından (BFB) "Ölkə.Az"a verilən məlumata görə, bu gün Bakı Fond Birjasında Azərbaycan Respublikasının Mərkəzi Bankının (AMB) 50100167S dövlət qeydiyyat nömrəli, 250 mln. manat həcmində, 27 gün tədavül müddətli qısamüddətli notlarının yerləşdirilməsi üzrə hərrac keçirilib.
Hərrac zamanı 7 investor tərəfindən qiymət intervalı  98,8882 manat (14.99%) və 98,9984 AZN (13.48%) olan 9 sifariş təqdim edilib. Sifarişlərin nominal qiymətlə ümumi məbləği (təklifin 32% - qədəri) 80 062300 manat olub.

AMB-nin qərarına əsasən istiqrazların kəsmə qiyməti 98,8882 manat (14.99%), orta ölçülmüş qiyməti 98,9222 manat (14.52%) müəyyən edilib. Hərrac nəticəsində istiqrazların yerləşdirilmiş həcmi 80 062300 manat təşkil edib.

Qeyd edək ki, notların ödəmə tarixi 31 yanvar 2018-ci ildir.