Qalmaqallı film satışa çıxarıldı
Amerika Birləşmiş Ştatlarında Sony Pictures Enterteynment şirkəti bir qədər əvvəl istehsal olunan “Müsahibə” filminin müəllif hüquqlarını satmaq qərarına gəlib.
Buna səbəb isə, şirkət rəhbərliyinin film yayımlanacağı təqdirdə terror hücumuna məruz qalacağına dair hədələrə məruz qalması olub. Filmin yayımları da xəbərdarlıqlarla əlaqədar təxirə salınıb.
Komediya janrında çəkilən filmdə baş qəhrəmanlar Şimali Koreya lideri Kim Çen Inın qətl planını icra etməyə çalışırlar. Sony Pictures də məhz koreyalı hakerlər tərəfindən hədələndiyini güman edir. Lakin bir qədər əvvəl Şimali Koreyanın xarici işlər nazirliyi hökumətin insidentlə əlaqədar olmadığına dair xəbər yayıb və buna dair dəlillərə malik olduğunu deyib. Rəsmi Pxenyan faktın birgə komissiya tərəfindən araşdırılmasını təklif edib.
Filmin ssenari müəllifi braziliyalı yazıçı Paulo Koelyo filmi 100 min dollara satışa çıxarıb. “Siyasi qüvvələrin insanın hansı filmə baxmalı olduğunu və ya hansı kitabı oxumalı olduğunu diktə etməsini sadəcə qəbul etmək olmur” - deyə Koelyo qeyd edib.
Amerika Birləşmiş Ştatları prezidenti Barak Obama filmin yayımının təxirə salınmasını böyük səhv adlandırıb. (anspress)
Ölkə.Az
