Ağ Evdə şəxsi mobil telefon istifadəsi qadağan edildi
Ağ Evin idarə binalarında mobil telefon istifadəsi qadağan edilir.
"Ölkə.Az" xəbər verir ki, bu barədə Ağ Evin mətbuat katibi Sara Hakabi Sanders açıqlama verib.
Açıqlamaya əsasən, qadağa gələn həftədən tətbiq ediləcək.
Açıqlamada deyilir: "Ağ Evdəki texnologiya sistemlərinin təhlükəsizliyi Tramp administrasiyası üçün ən vacib məsələdir.
Bu səbəbdən Ağ Evin Qərb hissəsində işləyənlərin və qonaqların şəxsi mobil telefondan istifadəsinə icazə verilməyəcək. İşçilər işlərini rəsmi telefonlarla həll edəcəklər".
Ağ Evə qonaq gələnlər isə mobil telefonlarını girişdə təhvil verəcəklər.
Hikmət Həsənov
Ölkə.Az
