Rusiyada kütləvi dava
Rusiyanın Vladivostok şəhərində bir neçə nəfərin iştirakı ilə kütləvi dava baş verib.
"Ölkə.Az" İnterfaks-a istinadən xəbər verir ki, hadisə Sneqovoy rayonu ərazisində baş verib.
Məlumata görə, hadisə zamanı aralarında bir azərbaycanlının da olduğu 3 nəfər xəsarət alıb. Onlar tibbi yardım üçün xəstəxanaya müraciət ediblər.
Xəsarət alanlar arasında azərbaycanlının yarasının ağır olduğu qeyd olunur. O, döş qəfəsindən və belindən xəsarət alıb. Yaralıların adları açıqlanmır.
Dava zamanı silahdan istifadə edilib və atəş səsləri eşidilib.
Kütləvi dava barədə polisə sakinlər xəbər veriblər. Əraziyə polis və təcili yardım cəlb edilib.
