Ekspert: "Rusiya Xəzərdə öz hegemonluğunu sübut etmək istəyir"

Rusiya Hərbi Dəniz Qüvvələrinin Xəzər donanmasının tərkibinə daha bir ağır raketdəyişən hərbi gəmi daxil edib.

Gəmi "Kalibr-NK" universal raket kompleksi ilə silahlandırılıb.

Xəzərdən heç bir təhlükə gözləmədiyi bir vaxtda və iqtisadi böharnın boğduğu bir məqamda Rusiyanın belə bir addım atması Xəzəryanı ölkələrin, habelə Azərbaycan mediasının ciddi müzakirə mövzusuna çevrilib.

Rusiyanın atdığı bu addımı hərbi ekspert Üzeyir Cəfərov Ölkə. az-a şərh edib.

Üzeyir Cəfərov: "Xəzər dənizi ilə bağlı son zamanlar maraqlı prosseslərin şahidiyik. Rusiyanın Xəzər dənizinə yeni döyüş gəmisi gətirməsi elə belə böyük bir hadisə deyil. Rusiya Xəzərdə hegomonluğunu sübut etmək üçün bir sıra yeniliklərə əl atır. Son vaxtlar çox tez-tez görürük ki, Rusiya Xəzərə müasir tipli döyüş gəmilər gətirir.

Xatırladıram ki, Rusiya rəhbərliyi dəfələrlə Xəzərlə bağlı çox ciddi planlarının olmasını bəyan edib. Bütün bunlara nəzər yetirərək Azərbacan Xəzərdə baş verənləri diqqətdə saxlamalıdır. Azərbaycan bununla bağlı Hərbi Dəniz Qüvvələrini möhkəmləndirmək üçün lazım olan addımları atır. Azərbaycan daha çox quru qoşunlarına diqqət yetirir, amma nəzərə almaq lazımdır ki, Xəzər dənizində də müəyyən gərginliklərin yaşanması mümkündür. Rusiya keçmiş SSRİ-nin varisi kimi özünü Xəzərdə söz sahibi kimi aparmağa çalışır, donanmasını gücləndirməkdə də Moskvanın əsas məqsədi budur".

Səxavət Məmməd
Ölkə.az