Opra Uinfri ABŞ prezidenti olmaq istəyir
ABŞ-ın məşhur tolk-şou aparıcısı Opra Uinfri 2020-ci ildə keçiriləcək prezident seçkilərinə hazırlaşır.
"Ölkə.Az" xəbər verir ki, iddianı "CNN" kanalı səsləndirib. Xəbərə əsasən, Opra prezident seçkisindəki yarışda iştirak etmək niyyətindədir.
Qeyd edilir ki, Opranın yaxın ətrafı da ona seçkidə iştirak etmək üçün təzyiq edir.
"Demokratlar" partiyası 2018-ci ildə namizədlərin adlarını açıqlamağa başlayacaq. Hazırda partiyanın heç bir namizədi yoxdur.
Opra 2017-ci ilin dekabr ayında verdiyi müsahibədə "prezident olmaq üçün təcrübəyə ehtiyacın olmadığı açıq-aydın ortadadır"-deyib.
Hikmət Həsənov
Ölkə.Az
