Bakıda iki piyadanı maşın vurdu
Bakıda iki piyada vurulması ilə nəticələnən yol qəzası olub.
“Ölkə.Az” xəbər verir ki, hadisələrdən biri Sabunçu rayonumda baş verib. Belə ki, Zabrat qəsəbəsində yolu keçmək istəyən 1959-cu il təvəllüdlü Mehbalıyev Qələndər Mahmud oğlunu “Mercedes” markalı minik avtomobili vurub. Yaralı 3 saylı Kliniki Tibbi Mərkəzə yerləşdirilib.
Digər hadisə isə Xətai rayonumda baş verib. Nobel prospektində yolu keçmək istəyən 1946-ci il təvəllüdlü Məmmədov Bahadur Qulamhüseyn oğlunu Rusiya dövlət qeydiyyat nişanlı Nissan markalı minik avtomobili vurub. Yaralı 3 saylı Kliniki Tibbi Mərkəzə yerləşdirilib.
Hər iki faktla bağlı araşdırma aparılır.
Ölkə.Az
