AMB -nın növbəti hərrac keçirilib
Dünən Bakı Fond Birjasında (BFB) Azərbaycan Mərkəzi Bankının (AMB) 50100267S dövlət qeydiyyat nömrəli, 150 mln. manat həcmində, 28 gün tədavül müddətli qısamüddətli notlarının yerləşdirilməsi üzrə hərrac keçirilib.
BFB -dən "Ölkə.Az"a verilən məlumata görə, hərrac zamanı 15 investor tərəfindən qiymət intervalı 98.8472 manat (14.99%) və 99.0755 AZN (12.00%) olan 19 sifariş təqdim edilib. Sifarişlərin nominal qiymətlə ümumi məbləği 150 mln. 686 min manat olub.
AMB-nin qərarına əsasən istiqrazların kəsmə qiyməti 98.8472 manat (14.99%), orta ölçülmüş qiyməti 98.8803 manat (14.52%) müəyyən edilib. Hərrac nəticəsində istiqrazların yerləşdirilmiş həcmi 150 mln. manat təşkil edib.
