Suriyada 7 İran əsgəri öldürüldü
Suriyada baş verən silahlı toqquşmalarda İran İslam İnqilabı Keşikçiləri Korpusunun 7 əsgəri öldürülüb.
"Ölkə.Az" xəbər verir ki, "Fatimiyyun" və "Zeynebiyyun" dəstələrinə aid əsgərlər Qum şəhərində dəfn edilib.
Bu barədə "Tasnum" xəbər agentliyi məlumat yayıb.
Qeyri-rəsmi statistikaya əsasən, Suriyadakı silahlı toqquşmalarda həlak olan İran hərbçilərinin sayı 2.400 nəfərdir.
İrana köçən əfqanlardan yaradılan "Fatimiyyun", pakistanlı silahlılardan ibarət "Zeynəbiyyun" dəstələri Suriyada Bəşər Əsəd rejimini dəstəkləyən Keşikçilər Korpusu tərəfindən ön xətdə istifadə edilən silahlı qruplardır.
Hikmət Həsənov
Ölkə.Az
