Putin Ərdoğanla Rusiyanın Suriyadakı hərbi bazalara hücum barədə danışdı

“Ölkə.Az” xəbər verir ki, bu barədə “Anadolu” agentliyi məlumat yayıb. Verilən məlumata görə, danışıq Rusiyanın Suriyadakı hərbi bazalara hücum barədə aparılıb.

Danışıq Rusiya tərəfinin təşəbbüsü ilə reallaşıb. Söhbət zamanı Putin bildirib ki, Suriyadakı hücumla Türkiyənin heç bir əlaqəsi yoxdur.

“Suriyadakı hərbi bazalarımıza hücumun arxasında kimin dayandığını bilirik. Bu təxribatın kimlər tərəfindən törədildiyi bizə məlumdur. Orada türklər deyil, təxribatçılar olub. Biz onların kim olduğunu da bilirik. Bilirik ki, onlar bu təxribata görə kimə və nə qədər ödəyiblər. O ki qaldı bu insidentlərə, burada yaxşı heç nə yoxdur. Bu hücum daha əvvəl əldə etdiyimiz razılıqları pozmağa istiqamətlənib. Bəli, pilotsuz uçan aparatları Türkiyənin nəzarətində olduğu İdlib bölgəsindən buraxılıb. Biz tam əminik ki, bu hücumla Türkiyə hərbçilərinin və hökumətinin heç bir əlaqəsi yoxdur”, - deyə Putin bildirib.

Ziya Səccad
Ölkə.Az