Rusiyada azərbaycanlılar 41 il müddətinə azadlıqdan məhrum edildilər

Onlar “Turan” kafesinin sahibinin qətlində təqsirkar biliniblər.

Xakasiyanın Ali məhkəməsində əslən azərbaycanlı olan üç nəfərə - 62 yaşlı Qəmbərov İsrail Məhərrəm oğluna, 25 yaşlı Qəmbərov Cavid Fazil oğluna və 47 yaşlı Allahverdiyev Əfqan Qəribara oğluna dair hökm oxunub. Hər birinin rolundan asılı olaraq onlar qətldə, qarətçilikdə və qarətçilikdə əlbirliyinə görə təqsirkar biliniblər, XR RİK-nin istintaq idarəsinin mətbuat xidməti bildirib.   

İlkin istintaq zamanı cinayət işinin daha bir fiqurantı 42 yaşlı Oleq Buyniski istintaq ilə əməkdaşlıq razılaşması bağlayıb. Bununla əlaqədar onun cinayət işi ayrılıb. İndi həmin iş Abakan rayonunun şəhər məhkəməsindədir.

İstintaq və məhkəmə tərəfindən müəyyən edilib ki, keçən ilin noyabr ayında 62 yaşlı müttəhim Allahverdiyevdən “Turan” kafesinin sahibinin böyük məbləğdə pulu olmasını öyrənərək, qarət fikrinə düşür. Bunun üçün 62 yaşlı müttəhim cinayətə 25 yaşlı qardaşı oğlunu da cəlb edib.

Qəmbərovlar və Buynuski öncədən düşünülmüş plan üzrə hərəkət edərək Abakanda yerləşən Komarov küçəsinə gəliblər. Kafenin sahibi burada yaşayırdı. Onlar silahlanaraq zibil konteynerlərinin arxasında gizləniblər və Teymur Zərgərovun gəlməyini gözləyiblər. Zərərçəkən şəxs öz “Mercedes Bens E240” avtomobilində öz evinin həyətinə daxil olarkən 62 yaşlı müttəhim ona silah dayayaraq pul tələb edib. Zərərçəkən də aktiv müqavimət göstərib və silahı onun əlindən almağa çalışıb. Bundan sonra müttəhim zərərçəkənə atəş açıb.

Onlar yaralını avtomobilin arxa oturacağına qoyaraq Abakan çayının sahilinə Xakasiyanın paytaxtının şimal dambasına aparıblar. Zərərçəkən odlu silahdan aldığı yaradan dünyasını dəyişib.

450 rubl pulu, mobil telefonu və zərərçəkənin evinin açarlarını götürərək qarətçilər öz maşınlarında onun evinə yollanıblar. Evi axtararaq 120 min rubl və şəxsi əşyaları götürərək cinayət yerindən uzaqlaşıblar.

Xakasiyanın Ali məhkəməsi məhkəmə üzvlərinin ittiham verdiktinə əsasən Qəmbərov İsrail Məhərrəm oğluna ciddi rejimli cəzaçəkmə müəssisəsində olmaqla 24 il 6 ay müddətinə azadlıqdan məhrum etmə cəzası, eləcə də 100 min rubl məbləğində cərimə eləcə də mənəvi zərər üçün 1 milyon məbləğində təzminat cəzası hökmü verilib. Qəmbərov Cavid Fazil oğlu 7 il müddətinə azadlıqdan məhrum etmə, Allahverdiyev Əfqan Qəribara oğluna isə 10 il azadlıqdan məhrum etmə və 500 min rubl cərimə cəzası verilib. Eləcə də müttəhimlərə 124 min rubl məbləğində maddi ziyan üçün cərimə tətbiq edilib./Oxu.az/

Ölkə.Az