Dino Ndlovdan təşəkkür mesajı
Fasilədə “Qarabağ”dan Çinin “Xançjou Qrintaun” klubuna transfer olunan Dino Ndlovu Azərbaycanla vidalaşıb.
"Ölkə.Az" xəbər verir ki, Ndlovu instaqram səhifəsi vasitəsilə Azərbaycanda keçirdiyi xoş günləri xatırlayıb və azarkeşlərə təşəkkür edib.
Dino "Qarabağ" klubuna da minnətdarlıq edib:
“Bacarığımı nümayiş etdirmək üçün mənə şərait yaradan "Qarabağ"a, qonaqpərvərliyə və hörmətə görə isə Azərbaycan xalqına minnətdarlığımı bildirirəm. Siz həmişə qəlbimdə qalacaqsınız”.
Dino “Xançjou Qrintaun”a keçidindən də yazıb: “Klubumu dəyişməyim Allahın işidi. Bunu tək etməmişəm. Həyatımda açılan yeni səhifədə bütün diqqətimi və enerjimi "Xançjou Qrintaun”a yönəldəcəm”.
Qeyd edək ki, Dino Ndlovu “Xançjou Qrintaun”la 2 illik müqavilə bağlayıb. Onun transferi “Qarabağ”a 750 min avro qazandırıb.
