Yaponiyada 6.2 bal gücündə zəlzələ
Yaponiyanın şimal-şərqində zəlzələ meydana gəlib.
"Ölkə.Az" xəbər verir ki, yeraltı təkanlar 6.2 bal gücündə olub. Məlumatı Yaponiyanın baş meteoroloji idarəsi paylaşıb.
Xəbərə əsasən, zəlzələnin episentri Sakit okeanda, Hokkaydo adasından cənubda qeydə alınıb. Zəlzələ ocağı 30 km dərinlikdədir.
Yapon 7 ballıq şkalası üzrə 4 bal gücündə olan zəlzələ Hokkaydo, Honsyu adalarında hiss edilib.
Sunami təhlükəsi yoxdur, dağıntı və tələfat barədə məlumat daxil olmayıb.
Hikmət Həsənov
Ölkə.Az
