Serj böyüyün sözünü kəsmədi

Ermənistan prezidenti Serj Sarkisyan növbəti siyasi qalmaqala imza atıb. Lakin onun bu dəfəki hərəkəti siyasi cəhətdən savadsız prezidentin iç üzünü açır.

Bu gün Avrasiya İqtisadi Birliyinin Ali Şurasının iclasından çıxdıqdan sonra Serj Sarkisyan siyasi- mədəniyyətsizliyə yol verib.

Ölkəsinin çətin vəziyyətində iqtisadi bir iclasdan çıxan prezident özündən əvvəl danışan Belarus prezidentinin hər şeyi dediyini və ona deməyə söz qoymadığını bildirib. 

O sanki “sağlıq” deyənlər kimi "Belarus prezidenti Aleksandr Lukaşenkonun belə hərtərəfli çıxışından sonra çox şey deməyəcəm" söyləyərək ondan söz almaq istəyən jurnalistləri məyus edib.

Erməni mətbuatı prezidentin bu ədəbsizliyini millətə çatdırmamaq üçün özlərindən Sarkisyanın yerinə “prezident hamını təbrik etdi” kimi simvolik cümlələr uydurmalı olub.

Xatırladaq ki, Ermənistan 1 yanvardan etibarən Avrasiya İqtisadi Birliyinin üzvü olacaq. (anspress)

Ölkə.Az