\"Lotus\" şirkətinin baş direktoru sürət həddini aşdığı üçün cərimələndi

"Ölkə.Az" xəbər verir ki, bu həvəs ona baha başa gəlib. Jan-Mark 70 mil/saat sürət həddi olan yolda avtomobilini 102 mil/saat sürətlə hərəkət edib. Hüquq-mühafizə orqanları isə onu cərimələyiblər.

Lüksemburq vətəndaşı olan Jan-Mark uzun müddə "PSA Peugeot-Citroen" şirkətinə rəhbərlik edib. Hazırda altı ildir ki, "Lotus"un baş direktorudur.
Jan-Mark varlı adamdır, bu səbəbdən cərimə ona elə də təsir etməyib. Amma Böyük Britaniyada tətbiq edilən bal sistemi onu şoka salıb. Məsələ burasındadır ki, əvvəldən də onun yüksək sürətə görə 8 cərimə balı olub. Sonuncu xəta isə Jan-Markı 6 ay müddətinə sürücülük hüququndan məhrum edib.

Şirkət rəhbərinin vəkili isə məhkəmə prosesini udub. Belə ki, vəkil hakimləri inandırıb ki, "Lotus" şirkətinin rəhbəri tutduğu posta görə sürətli avtomobilləri sınaqdan keçirməlidir. Bundan sonra hakimlər Jan-Markı 666 fun sterlinq cərimələyiblər. Amma cərimə bununla da bitməyib. 100 sterlinq əlavə cərimə və 66 sterlinq sənədləşmə üçün alınıb.

Hikmət Həsənov
Ölkə.Az