Çar II Nikolayın avtomobili tapıldı

 "Ölkə.Az" xəbər verir ki, sonuncu rus imperatorunun maşını "avto.ru" saytında satışa çıxarılıb.

Satıcı maşına 278 milyon (4.979.514 dollar) rubl qiymət qoyub.

"Rolls-Royce Silver Ghost" modeli 1914-cü ildə istehsal edilib. Sahibinin sözünə əsasən, avtomobil II Nikolaya məxsus olub və hazırda Berlindədir.
Sonuncu rus imperatoru Avropanın ən böyük avtomobil parkına sahib olub. Parkda 20-dən çox maşın olub. "Rolls-Royce Silver Ghost" avtomobili isə 1905-1926-cı illər arasında istehsal edilib. 20 il ərzində cəmi 8416 maşın istehsal edilib.

Çar dünyasını dəyişdikdən sonra avtomobil kolleksioner tərəfindən əldə edilərək Las-Veqasdakı kazinoda nümayiş etdirilib. Sonra isə digər kolleksionerin əlinə keçərək Almaniyada bir bunkerdə gizlədilib. Kolleksioner öldükdən sonra avtomobil itib. Amma təsadüfən bunker üzə çıxıb və çarın avtomobili də tapılıb.

Hikmət Həsənov
Ölkə.Az