Bakıda piyadanın ölümünə səbəb olan Yuğ teatrının əməkdaşına hökm oxundu
Bu gün Bakı Ağır Cinayətlər Məhkəməsində ölümlə nəticələnən yol-nəqliyyat hadisəsi törətməkdə təqsirləndirilən Yuğ teatrının rejissoru Sahib Ağabalayevin cinayət işi üzrə məhkəmə prosesi başa çatıb.
"Ölkə.Az" xəbər verir ki, hakim Mayıl Bayramovun sədrliyi ilə keçirilən prosesdə hökm oxunub.
Hökmə əsasən, S. Ağabalayev 5 il müddətinə azadlıqdan məhrum edilib. Məhkəmənin qərarı ilə o, cəzasını məntəqə tipli cəzaçəkmə müəssisəsində çəkəcək.
Qeyd edək ki, S. Ağayev avtomobili idarə edərkən yolu keçən piyada İlkin Ağabalayevi vurub. İ. Ağabalayev aldığı xəsarətlərdən hadisə yerində keçinib.
Hadisəni törədən S. Ağabalayev barəsində başqa yerə getməmək haqqında iltizam qətimkan tədbiri seçilib.
