ASGA Rusiya nümayəndəliyi və AMİİ Fondu «Həmrəylik günü»nü qeyd edib

Moskvada Azərbaycan diasporu əsası 1991-ci il dekabrın 16-da ümummilli lider Heydər Əliyev tərəfindən qoyulan «Dünya Azərbaycanlılarının Həmrəylik günü»nü qeyd edib.

Ölkə.Az xəbər verir ki, bayram şənliyi Azərbaycan Mədəniyyətinin İntibah və İnkişaf fondu və Azərbaycan Slavyan gənclər Assosiyasının Rusiya nümayəndəliyi tərəfindən təşkil edilib.

Tədbiri giriş sözü ilə açan Azərbaycanın Rusiya Federasiyasındakı səfiliyinin nümayəndəsi Akşin Əliyev tədbir təşkilatçılarını və qonaqları həmrəylik günü münasibəti ilə təbrik edib “Hər bir azərbaycanlı dövlətinə, millətinə bağlı olmalı, bir bayraq altında birləşməlidir” deyərək diplomat nitqini yekunlaşdırıb.

Fondun sədri Şamil Tağıyev təşkilatın il ərzində gördüyü işlərdən məlumat verərək, bu bayramda azərbaycanlıların bir olmasına toxunub.

Toğrul Allahverdiyev isə Azərbaycan Slavyan Gənclər Assosiyası olaraq Moskvada fəaliyyət göstərən ictimai təşkilatların həmrəyliyinə toxunub. Ümumrusiya Azərbaycan Konqresinin, Leyla Əliyevanın sədrilik etdiyi Rusiya Azərbaycan Gənclər təşkilatının bu funksiyanın layiqincə öhdəsindən gəldiyini vurğulayıb: «24 dekabrda Cənab Prezident İlham Əliyevin doğum günüdür. Bu münasibətlə Ali Baş Komandanı təbrik edir, ölkəmiz naminə gördüyü işlərdə uğurlar arzu edir və biz gənclərin hər zaman onu dəstəklədiyimizi bəyan edirik»

Tədbirdə Azərbaycan Slavyan Gənclər Assosiyasının Rusiya nümayəndəliyi tərəfindən Azərbaycan mədəniyyətinin təbliğinə görə Hüsniyyə Abbasova, Maxnur Səfiyeva, Səbinə Rəhimova və Binnət Bünyatov təltif edilib.

Tədbirdə Ümumrusiya Azərbaycan Kongresinin icraçı direktoru İlqar Haciyev və digər təşkilatların və digər millətlərin diaspor nümayəndələri iştirak ediblər.