Yeni turizm zonaları hansı bölgələrdə yaradılacaq?
"Yeni turizm zonaları Xızı-Nabran, Quba və Qusarda yerləşir".
"Ölkə.Az" Report-a istinadən xəbər verir ki, bunu mədəniyyət və turizm naziri Əbülfəs Qarayev jurnalistlərə açıqlamasında deyib.
Nazir qeyd edib ki, hazırda Mədəniyyət və Turizm Nazirliyi beynəlxalq tenderin nəticəsi olaraq, 3 şirkətlə 3 yeni turizm zonasının layihələndirilməsi üzərində işləyir: "Turizm zonalarının layihələndirilməsi işləri bu ilin sonuna kimi davam edəcək. Bundan sonra isə onun icrasından danışmaq olar. Həmin turizm zonalarında təşviq olunacaq bütün imtiyazlar 3 və 4 ulduzlu hotellərin, ümumiyyətlə turizm infranstrukturunun qurulmasına imkan yaratmalıdır".
