Yasamalda dəm qazı yenə can aldı
Ötən gecə Bədirxanova Fidan Nazim qızı hamam otağında dəm qazından boğularaq dünyasını dəyişib.
“Ölkə.Az”-ın əldə etdiyi məlumata görə, meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Yasamal rayon şöbəsinə aparılıb.
Faktla bağlı Yasamal rayon prokurorluğunda araşdırmalara başlanılıb. Digər oxşar hadisə isə Suraxanı rayonunda qeydə alınıb. Ancaq xoşbəxtlikdən bu dəfə qadının həyatını xilas etmək olub.
Belə ki, 1971-ci il təvəllüdlü Həqiqət Əliağa qızı Məhərrəmova dəm qazından boğulsa da, vaxtında xəstəxanaya çatdırılıb və həyatı xilas olunub. Faktla bağlı aidiyyatı üzrə polis bölməsində araşdırmalara başlanılıb.
