Əli Əhmədov: \"Seçkilərin yüksək səviyyədə keçməsi üçün gənclər fədəkarlıq etməlidirlər\"

"Ölkə.Az"-ın məlumatına görə, bunu baş nazirin müavini, Yeni Azərbaycan Partiyası sədrinin müavini, icra katibi Əli Əhmədov deyib. Əli Əhmədovun sözlərinə əsasən, gənclər ölkənin ictimai-siyasi həyatında fəal iştirak etməlidirlər: "Gənclərin qarşısında həm də mühüm vəzifələr dayanır. Bu il keçiriləcək prezident seçkilərində ölkə başçısı İlham Əliyev hakim partiyanın namizədi olacaq. İlham Əliyevin cəmiyyətdə yüksək reytinqi onun qələbəsi üçün əsas yaradır. Gənclər də seçkilərin yüksək səviyyədə keçməsi üçün fədəkarlıqlar etməlidirlər. Əminəm ki, gənclər bunu dərk edirlər və hər cür fədəkarlıq edəcəklər".

Ə.Əhmədov gəncləri sosial şəbəkədə fəal olmağa səsləyib: 

"Gənlərimiz hakim partiyanın layiqli davamçılarıdırlar. Gənclərimiz ölkənin şərəfinin qorunmasında sosial şəbəkənin imkanlarından istifadə etməlidirlər. Eyni zamanda gənclər sosial mesajların cəmiyyətə çatdırılması üçün fəal olmalıdırlar. Əminəm ki, gənclər 2018-ci ilin onların qarşısında qoyduğu hədəflərin öhdəsindən uğurla gələcəklər".

Qeyd edək ki, bu gün Yeni Azərbaycan Partiyası Gənclər Birliyinin 2017-ci ilin yekunlarına və 2 fevral - Gənclər Gününə həsr olunmuş tədbiri keçirilib.

Vasif Həsənli
Ölkə.Az