Korrupsiyaya qarşı Mübarizə İdarəsinin axtardığı dələduz həbs olundu
Xətai rayonunda Baş prokuror yanında Korrupsiyaya qarşı Mübarizə İdarəsinin axtarışa verdiyi dələduz həbs olunub.
“Ölkə.Az”-ın əldə etdiyi məlumata görə, Xətai rayon sakini, 1986-cı il təvəllüdlü Əkbərov Alim Çərkəz oğlu Xətai RPi-nin 36-cı polis bölməsinin əməkdaşları tərəfindən həbs olunub.
Əkbərova qarşı Baş prokuror yanında Korrupsiyaya qarşı Mübarizə İdarəsi tərəfindən cinayət məcəlləsinin 178.3.2-ci (dələduzluq:küllü miqdarda törədildikdə) və 320-ci ( sənədləri saxtalaşdırma) maddələri ilə cinayət işi başlanıb, ancaq təqsirləndirilən şəxs istintaqdan yayındığı üçün onun barəsində axtarış elan olunub.
Qeyd edək ki, saxlanılan A.Əkbərovun ötən il “KredoBank” Açıq Səhmdar Cəmiyyəti və Dilqəm Rza oğlu Məmmədov adlı şəxs ilə pul borcu üstündə məhkəmə çəkişməsi olub.
