Əli Həsənov Azərbaycanda mətbuat azadlığından danışdı

Azərbaycan Respublikasının Prezidenti yanında Kütləvi informasiya vasitələrinin İnkişafına Dövlət Dəstəyi Fondu (KİVDF) 31 yanvar Dünya Azərbaycanlılarının Həmrəylik Günü və Yeni il münasibətilə keçirdiyi fərdi jürnalist yazıları müsabiqəsinin qaliblərinin mükafatlandırılması mərasimi keçirilir.

Dövlət dəstəyinin prioritet istiqamətləri üzrə təşkil olunan və artıq xoş ənənəyə çevrilən bu müsabiqələrdə, qələm sahibləri ictimai həyatın bütün sahələrinə dair yaradıcılıq nümunələri ilə təmsil olunur və onların ən yaxşıları qiymətləndirilir. 

Mükafatlandırma mərasimində Prezident Aparatının ictimai-siyasi şöbəsinin müdiri Əli Həsənov da iştirak edib. O, qalibləri təbrik edərək deyib ki, Azərbaycanda söz və mətbuat azadlığı dünya jurnalistlərin azadlığını ehtiva edir.

“Bu gün Azərbaycanın üzərinə gələn bəzi beynəlxalq dairələr, o cümlədən QHT-lər, dünyada mövcud jurnalist azadlığını, mövcud söz azadlığı, mətbuat azadlığını ayrı-ayrı ölkələrdə bu və ya digər jurnalistlərin konkret istiqamətə yönəldilməsi üzərində quraraq, onun vasitəsi ilə bunu dəyərləndirirlər. Amma bizim üçün, Azərbaycan jurnalistləri üçün, Azərbaycan hakimiyyət dairələri üçün, jurnalist azadlığı bütün dünyada jurnalistlərin azadlığını ehtiva edir” – deyə Əli Həsənov bildirib. (ans tv)

Ölkə.Az