İraqda yeni terror qruplaşması meydana çıxdı

"Ölkə.Az" xəbər verir ki, yeni terror qruplaşması "Rayyat əl Beyda" adlanır. Qruplaşmanın adı ərəb dilindən tərcümədə ağ bayraqlar mənasına gəlir.

Məlumata əsasən, terrorçular dəfələrlə hökumət qüvvələrinin tərəfində mübarizə aparan "Haşdi Şabi" şiə qruplaşmasının mövqelərinə hücum ediblər. Bu səbəbdən Bağdadda qəbul edilən qərara əsasən, ölkənin şimalına əlavə qoşun birləşmələri cəlb edilib.

Qeyd edilir ki, terrorçular yaxşı hazırlaşıblar və döyüş təcrübələri var. "Rayyat əl Beyda" qruplaşmasının 500 üzvü olduğu ehtimal edilir. Qruplaşma əsasən kürdlərdən və keçmiş ərəb muzdlularından təşkil edilib.

Qruplaşmanın ağ bayrağında şir başı təsvir edilib.

Hikmət Həsənov
Ölkə.Az