İraq ordusu Səudiyyə Ərəbistanı sərhədində əməliyyata başladı
İraq ordusu İŞİD terror qruplaşmasına qarşı Ənbər vilayətində əməliyyata başlayıb.
"Ölkə.Az" xəbər verir ki, bu məlumatı əyalətin qərbindəki İraq ordusunun baş komandanı, general mayor Mahmud əl-Fəlyahi verib. General bildirib ki, əməliyyatın məqsədi Səudiyyə Ərəbistanı ilə sərhəddə olan səhranı terrorçulardan təmizləməkdir.
ABŞ-ın rəhbərlik etdiyi koalisiya qüvvələri də əməliyyatı dəstəkləyir.
General deyib: "Ordu birləşmələri, polis və tayfa silahlıları, sərhəd qoşunları ölkənin hərbi hava qüvvələrinin və beynəlxalq koalisiyanın dəstəyi ilə səhər saatlarında geniş miqyaslı əməliyyata başlayıb. Məqsədimiz İraq-Səudiyyə Ərəbistanı sərhədi istiqamətində Ənbər səhrasını terrorçulardan təmizləməkdir".
Hikmət Həsənov
Ölkə.Az
