İŞİD hərbi təyyarənin pilotunu əsir götürdü

İordaniya dövlət televiziyası xəbər verir ki, ölkənin kral hərbi hava qüvvələrinin təyyarələrindən biri “İslam dövləti” terrorçu təşkilatının silahlıları tərəfindən vurulub, onun pilotu Müəz Əl-Kəsasba isə əsir götürülüb. 

İordaniya komandanlığının verdiyi məlumata görə, kral silahlı qüvvələrinin əsir götürülmüş pilotu Suriyanın Rakka şəhəri rayonunda eskadrilyanın heyətində döyüş tapşırı yerinə yetirirmiş. İordaniya pilotları “İslam dövləti” terrorçularının mövqelərinə aviasiya zərbələri endirilməsində iştirak edirlər.

İordaniya komandanlığı xəbərdarlıq edib ki, Suriyanın və İraqın günahsız müsəlmanlarına qarşı cinayətləri, habelə İordaniya əleyhinə terror planları ilə tanınmış bədnam “İslam dövləti” təşkilatının silahlıları əsir düşmüş pilotun həyatına görə tam məsuliyyət daşıyırlar. (AzərTAc)

Ölkə.Az