Komadan Hollivud ulduzu kimi oyandı

İngiltərədə yaşayan Rori Kertis adlı futbolçu keçirdiyi yol qəzasından sonra tamamilə dəyişib.

Kertis 2012-ci ildəki qəzadan sonra 6 gün boyunca komada qalıb. O, komadan ayılanda özünü Hollivudun məşhur aktyoru Metyu MakKonaxi sanmağa başlayıb.

Daha da qəribəsi isə, Rorinin səlis şəkildə fransız dilində danışması olub. Ailəsi və həkimlər bu hadisəyə çox təəccübləniblər. Həkimlərin qoyduğu diaqnoza görə, R.Kertisin beyninə kiçik qan laxtası toplanıb. Uzun çəkən müalicə prosesindən sonra Rori özünü Metyu MakKonaxi hesab etməkdən xilas olsa da, hələ də fransız dilində danışmağa davam edir.

Qeyd edək ki, Rori Kertis düşdüyü qəzadan 12 il əvvəl çox qısa bir müddətə fransız dilini öyrənib.(Axşam.az)

Ölkə.Az