Beynəlxalq Kosmik Stansiyada ilk badminton turniri keçirilib
Beynəlxalq Kosmik Stansiyada ilk badminton çempionatı keçirilib.
"Ölkə.Az" xəbər verir ki, rusiyalı kosmonavtlar NASA və JAXA-dan olan həmkarları ilə kosmosda badminton oynayıblar.
Yarışlarda Anton Şkaplerov, Aleksandr Misurkin, Cozef Akaba, Mark Vande Hay və Norişiqe Kanay iştirak edib. Rusiya və Amerika komandaları arasında yarış xüsusi qaydalar əsasında keçirilib. Beynəlxalq Kosmik Stansiya sakinləri torsuz oyun keçiriblər. Bununla yanaşı, oyunçular xalları saymayıblar və hər kəsi qalib elan ediblər.
Misurkin bildirib ki, kosmosda badminton oynamaq Marsa bayraq sancmaq kimi bir hissdir.
Hikmət Həsənov
Ölkə.Az
