Sürücülər cərimələri “ASAN Xidmət”də ödəyəcəklər

Yenilik tətbiq olunur.

Vətəndaşlara Xidmət və Sosial İnnovasiyalar üzrə Dövlət Agentliyinin (“ASAN Xidmət”) gələn ildən prezident İlham Əliyevin “ASAN ödəniş” sistemi ilə bağlı imzaladığı fərmanın icrasına başlayacaq.

Fərmana əsasən, inzibati cərimələrin ödənilməsini təmin edəcək çoxfunksiyalı sistem yaradılacaq.

Bu məqsədlə əhalinin sıx olduğu yerlərdə xüsusi “ASAN Ödəniş” terminalları quraşdırılacaq.

Ölkə.Az bildirir ki, məsələ ilə bağlı oxu.az-a açıqlama verən “ASAN Xidmət”in ictimaiyyətlə əlaqələr sektorunun rəhbəri Anar Hüseynov bildirib ki, sistemin tətbiqinə 2015-ci ildən başlayacaq:

“Pilot layihə olaraq yanvar ayından nəzərdə tutulub. İlkin mərhələdə yalnız yol hərəkəti qaydaları ilə bağlı cərimələrin ödənilməsi. İstifadəyə verildikdə həm ictimaiyyətə həm də KİV nümayəndələrinə təqdimatı olacaq”.

Ölkə.Az