Şimali Koreya liderinin haker ordusu

Şimali Koreyada “Büro 121” adlı xüsusi hakerlər mərkəzi fəaliyyət göstərir.

Bu mərkəzdəki hakerlərin əksəriyyəti Şimali Koreyanın Mirim Universitetində təhsil alıblar. Məlumata görə 5 min nəfərin müraciıt etdiyi bu mərkəzə 100 ən yaxşı mütəxəssis seçilir.

Namizədlərin hər gün 90 dəqiqə ərzində 6 dərsdə olduqları bildirilir. Vaxtilə bu mərkəzin əməkdaşı olan və hazırda Cənubi Koreyada mühacirət həyatı yaşayan Jang Se Yul bildirib ki, həmin yerdə hakerlik öyrədilir. Onun sözlərinə görə hakerlər ABŞ və Cənubi Koreya kimi düşmən ölkələrin “Microsoft” proqramlarını və informasiya texnologiyaları sistemlərini öyrənməyə çalışırlar.
O qeyd edib ki, hazırda hakerlər mərkəzinin 1800 əməkdaşı var. Keçmiş haker söyləyib ki, Şimali Koreyanın “Sony Pictures” şirkətinə kiber hücumlar olmasının sübut edilə bilməməsi həmin mərkəzdə işləyən hakerləri uğurudur. Qeyd edək ki, Şimali Koreyanın diktator lideri Kim Çen Inın ölümünü təsvir edən bədii filmin çəkilməsindən sonra “Sony Pictures”ə kiber hücumlar başlayıb. Buna görə ABŞ və Şimali Koreya bir-birini ittiham edib.

Məlumat üçün bildirək ki, “Sony Pictures” şirkəti Şimali Koreya lideri Kim Çen Inın “ölümü” haqda çəkilən “Müsahibə” adlı komediya filminin dekabr ayının 25-də nəzərdə tutulan premyerasından imtina edib./Modern.az/

Ölkə.Az