Kafedə yeyib-içərkən dünyasını dəyişdi
Rayonun Seyidzadə küçəsi 18 ünvanında ölüm halı baş verib.
“Ölkə.Az”ın xəbərinə görə, Musa Muradov adlı şəxs kafeyə yeyib-içməyə gəlib. Məclisin qızğın vaxtında M.Muradovun ürəyi tutub. Təcili tibbi yardım stansiyasının həkimləri hadisə yerinə çatsalar da, artıq gec olub. Kişi ürək çatışmazlığından keçinib.
Faktla bağlı Nəsimi rayon prokurorluğunda araşdırmalara başlanılıb. Məlum olub ki, M.Muradov ürək xəstəsi olub və həkim ona içki içməyi qadağan edib. Ancaq Muradov bu qadağalara məhəl qoymayaraq içki içməyə davam edib.
