Stomatoloq otağında döyüldü
Diş həkimi işləyən Günel Əliyeva polisə şikayət edib.
“Ölkə.Az”ın xəbərinə görə, həkimin şikayət etməsinə səbəb Şəfayət Mehdiyev 90 ünvanında yerləşən iş otağında döyülməsi olub.
Belə ki, Yasamal RPİ-nin 27-ci Polis Bölməsinə müraciət edən stomatoloq bildirib ki, müştəri kimi tanıdığı Kəmalə Kamal qızı Abbasova onun iş otağına gələrək təhqir edib və müxtəlif bədən xəsarətləri yetirib. Səbəb isə müştərinin onun göstərdiyi xidmətdən narazı qalması olub.
Faktla bağlı Yasamal RPİ-nin 27-ci Polis Bölməsində təhqiqat araşdırmalarına başlanılıb.
