Direktorun evindən oğurladığı əşyaları satışa çıxaran gözətçiyə hökm oxundu
Novxanı qəsəbəsində oğurluq etməkdə təqsirli bilinən Mehman Rzayevin cinayət işi üzrə məhkəmə prosesi başa çatıb.
“Ölkə.Az”ın məlumatına görə, Bakı Ağır Cinayətlər Məhkəməsində hakim Mayıl Bayramovun sədrliyi ilə baş tutan prosesdə təqsirləndirilən şəxsə hökm oxunub.
Mehman Rzayev 9 il müddətinə azadlıqdan məhrum edilib.
İttihama görə, Çimnaz Səlimzadəyə məxsus Novxanı qəsəbəsində yerləşən bağ evində oğurluq baş verib. Mehman Rzayev evdə olan ümumilikdə 84 min manat dəyərində idman alətlərini, qədim qabları oğurlayıb.
O, oğurladığı əşyaları internet üzərindən satışa çıxarıb.
Mehman Rzayev həmin evdə gözətçi işləyirmiş.
Zərərçəkmiş Çimnaz Səlimzadənin Sabunçu rayonunun Bilgəh qəsəbəsindəki 11 saylı internat məktəbin direktoru olub.
