Mosulda İŞİD liderləri öldürüldü
"İraq-Şam İslam Dövləti" (İŞİD) terror qruplaşmasının Mosuldakı lideri Həsən Səid əl-Caburi koalisiya qüvvələrinin havadan endirdiyi zərbələr zamanı öldürülüb.
Ölkə.Az report-a istinadən xəbər verir ki, bu barədə İraq polisinin regional idarəsinin rəhbəri general-mayor Vatek əl-Həmdaniyə istinadən CNN məlumat yayıb.
Havadan hücum Mosul ətrafında yerləşən Kayar kəndi üzərində həyata keçirilib. Həsən Səid əl-Cuburi İŞİD-in hava hücumu zamanı öldürülən ikinci lideridir. O, bu vəzifədə cəmi 25 gün olub. Xələfi Radvan Taleb əl-Hamduni ABŞ-ın hava zərbələri zamanı öldürülüb.
Ölkə.Az
