Azərbaycanda kooperativ fermer təsərrüfatları yaradılacaq
Qanun layihəsi hazırlanıb.
Azərbaycanda kooperativ fermer təsərrüfatlarının yaradılması ilə bağlı qanun layihəsi hazırlanıb.
Ölkə.Az xəbər verir ki, apa-nın məlumatına görə, bunu jurnalistlərə açıqlamasında kənd təsərrüfatı naziri Heydər Əsədov bildirib.
O deyib ki, kooperativ təsərrüfatların yaradılmasının əsas şərtlərindən biri həvəsləndirici tədbirlərin hazırlanmasıdır:
“Prezident İlham Əliyevin müvafiq fərmanına uyğun olaraq bu məqsədlə qanun layihəsi hazırlanıb. Sənəd müzakirə olunmaq üçün Milli Məclisə təqdim edilib. Kənd təsərrüfatı nazirliyi bu qanunun hazırlanmasında yaxından iştirak edib. Qanun qəbul edildikdən sonra görüləcək tədbirlərin konsepsiyasından asılı olaraq bu istiqamətdə işləri daha da sürətləndirəcəyik”.
Ölkə.Az
