Mingəçevirdə zavodda partlayış
Hadisə bu gün gunorta saatlarında şəhər ərazində yerləşən "Azneftmaş" ASC-də qeydə alınıb.
“Ölkə.Az”a verilən məlumata görə, partlayışa səbəb qaynaq aparatındakı nasazlıq olub. Partlayış nəticəsində xəsarət alan zavodun 2 əməkdaşı- 1978-ci il təvəllüdlü Soltan Qəzənfər oğlu Nazirov və 1986-cı il təvəllüdlü Maqsud Yaqub oğlu İsrafilov Mingəçevir Şəhər Mərkəzi Xəstəxanasına yerləşdiriliblər.
Xəstəxananın baş həkimi İlham Mayılovun “Ölkə.Az”a verdiyi açıqlamaya görə, yaralılar müxtəlif yanıq xəsarətləri ilə daxil olublar, vəziyyətləri normaldır.
Faktla bağlı Mingəçevir şəhər hüquq-mühafizə orqanlarının əməkdaşları hadisə yerində olublar, araşdırmalara başlanılıb.
Ölkə.Az
