2014-cü ildə hansı ölkələrdə qiymət artımı daha çox olub?

Ukrayna bütün keçmiş SSRİ ölkələrini 2014-cü il üzrə qiymət artımına görə üstələyib.

Ölkə.Az "БелаПАН" -a istinadən xəbər verir ki, keçmiş SSRİ ölkələri arasında 2014-cü ilin yanvar-noyabr ayları üzrə istehlak mallarına olan qiymət artımına görə Ukrayna birinci yerdə qərarlaşıb. Bu nəticə ölkələrin milli statistika orqanlarının məlumatına əsasında əldə edilib.

İlk üçlükdə Ukrayna (21,2%), Belarus (15,5%) və Qırğızıstan (8,9%) yer alıb. Aparılan analizdə qalan yerlər aşağıdakı formada müəyyənləşdirilib:

Rusiya (8,5%)

Qazaxıstan (6,9%)

Tacikistan (6,8%)

Moldova (3,9%)

Ermənistan (1,5%)

Gürcüstan (1,4%)

Latviya (0,8%)

Litva (0,4%)

Digərlərindən fərqli olaraq, Azərbaycan və Estoniyada istehlak qiymətlərində artım yox, azalma müşahidə olunub. Belə ki, 2014-cü ildə hər iki ölkədə 0,6% azalma qeydə alınıb.

Rəşid Mustafazadə

Ölkə.Az