Binəqədi rayonunda sürücü səhlənkarlığı can aldı
Hadisə rayonun Binəqədi qəsəbəsində qeydə alınıb.
“Ölkə.Az”a verilən məlumata görə, Məmmədov Teymur Vahid oğlu idarə etdiyi “Hyundai” markalı avtomobillə yolu keçmək istəyən Xıdırov Mübariz Nəbi oğlunu vurub. Yaralı dərhal xəstəxanaya çatdırılsa da, xəsarətləri ağır olduğundan dünyasını dəyişib. Hadisə yerinə rayonun hüquq-mühafizə orqanlarının əməkdaşları gəlib və ilkin müayinələrə başlayıblar.
Faktla bağlı Binəqədi RPİ-nin İstintaq Şöbəsində cinayət məcəlləsinin 263.2-ci maddəsi ilə cinayət işi başlanıb və sürücü izahatı alınmaq üçün polis idarəsinə gətirilib. İlkin araşdırmalar zamanı məlum olub ki, qəza sürücünün sürət həddini aşması səbəbindən baş verib.
Ölkə.Az
