Nəsimi polisi tapança saxlayan keçmiş məhkumu həbs etdi
Nəsimi rayonunda əvvəllər cinayət məcəlləsinin bir neçə maddəsi ilə məhkumluq həyatı yaşamış şəxs həbs edilib.
“Ölkə.Az”a verilən məlumata görə, Nəsimi RPİ-nin əməliyyatçıları Məmmədov Nurəddin Yusif oğlunu şübhəli şəxs qismində saxlayaraq polis idarəsinə gətiriblər. Onun üzərinə baxış keçirən zaman N.Məmmədovun gödəkçəsinin cibindən “Makarov” tipli tapança aşkar olunaraq götürülüb.
Faktla bağlı Nəsimi RPİ-nin İstintaq Şöbəsində cinayət məcəlləsinin 228.1-ci ( qanunsuz odlu silah saxlama) maddəsi ilə cinayət işi başlanıb və N.Məmmədov şübhəli şəxs qismində həbs edilib.
Ölkə.Az
