Gitara ilə qətl
“The Irish News” qəribəliyi ilə seçilən qətl hadisəsi haqqında yazır.
Qəzet bildirir ki, 41 yaşlı Matyu Qoddardın meyiti öz evində üzə çıxıb. Haidsə Milad bayramı ərəfəsində, axşam saat 9:40-da baş verib.
Polis qəzetə bildirib ki, mərhum elekto-gitara ilə döyülərək öldürülüb.
Detektivlərin rəhbəri olan müfəttiş Cohn McVea deyib: “Cənab Qoddardın əsas hobbisi gitara çalmaq olub. Biz hələ ki, cinayətin hansı səbəbdən baş verdiyini söyləyə bilmərik. Bilinən odur ki, gitaradan küt alət kimi istifadə olunub. Biz insanlara müraciət etmişik ki, kim bu qətl hadisəsi ilə bağlı hər hansı məlumata malikdirsə, dərhal bizə müraciət etsin. Biz xüsusi amansızlıqla həyata keçirilmiş bu qətlin üstünü açmağa çalışacağıq. Əminəm ki, qatil məhkəmə qarşısında dayanacaq və ömrünün böyük bir hissəsin dəmir barmaqlıqlar arasında keçirəcək”.
Qəzet onu da qeyd edir ki, bu hadisə ilə bağlı bir qadın və bir kişi saxlanılıb. Ancaq həbs olunanların bu qətillə hər hansı bağlılığının olması hələlik müəyyən edilməyib. (musavat.com)
Ölkə.Az
