Müsavat Məclisinin sədri gələcək planlarından danışd;

Müsavat Məclisinin sədri Nüşabə Sadıqlı gələcək planlarından danışıb.

Ölkə.Az-ın məlumatına görə, bu barədə qafqazinfo-ya açıqlama verən Məclis sədri bildirib ki, Müsavat xalqın partiyasıdır, bütün etdiklərimiz də xalqımız və millətimiz üçündür:

”Deməzdim ki, bundan sonra fərqli bir şey olacaq. Çünki Müsavat Partiyası oturuşmuş bir təşkilatdır. Rəsulzadə-Elçibəy yolu, müsavatçılıq ideologiyası daim var və bu xəttlə də davam edəcəyik. Amma idarəçilikdə fərqli metodlar görmək istəyirəm. Müsavat Partiyasında bir çox komissiyalar fəaliyyət göstərirdi ki, onlar da artıqlıq edirdi. Komissiyaların sayını azaldıb işlək operativ bir Məclis yaratmaq istəyirik. İstəyirik ki, gördüyümüz işlər müxalifətlə xalq arasındakı məsafəni azaltsın. Eyni zamanda, hər bir siyasi partiyanın hakimiyyətə gəlmək iddiası var. Bu ideya da təkcə vəzifə tutmaqdan ibarət deyil, biz demokratik idarəçilik sistemini yaratmaq istəyirik. Ona görə də hakimiyyətə gedən yolları araşdırmalıyıq”.

Qurultayın nəticələrindən narazı qalan müsavatçılara da səslənən N. Sadıqlı bildirib ki, əsl müsavatçı narazılığını bildirəndən sonra partiya üçün yaxşı olan yolla gedəcək: “Düşünürəm ki, qurultaydan incik düşən insanlar da belə olacaq. Olmayanlar isə artıq öz yollarını müəyyənləşdirmiş olacaqlar”.

Ölkə.Az