Çerçil islamı qəbul etmək istəyib

“O, müsəlman mədəniyyətinə heyran idi”.

Böyük Britaniyanın keçmiş baş naziri Uinston Çerçilin ailəsi, onun islamı qəbul edəcəyindən çəkinirdi.

Ölkə.Az oxu.az-a istinadən xəbər verir ki, bu barədə bazar ertəsi Britaniya KİV-də dərc edilən məktublardan aydın olur.

Kembric Universitetinin alimi Uorren Dokter 1907-ci ildə, Qvendolin Berti tərəfindən yazılan məktubu əldə edib. Q.Berti sonradan baş nazirin qardaşı Cekə ərə gedib.

“Xahiş edirəm, islamı qəbul etmə. Mən səndə Şərq meylləri görürəm, onlar səni paşaya bənzədir”, - Berti Uinston Çerçilə yazıb. Cavab olaraq isə Çerçil “mən istərdim paşa olum” yazır.

Alimin sözlərinə görə, baş nazir heç vaxt islamı qəbul etmək haqqında ciddi düşünməyib.

“O zamanlar çox güman ki, o, ateist idi. Buna baxmayaraq o, müsəlman mədəniyyətinə heyran idi, bu, o dövrün insanlarını birləşdirən amil idi”, - Dokter qeyd edib.

Britaniyanın baş naziri müsəlman dini və mədəniyyəti ilə Sudanda zabit olarkən tanış olub, onun dostu ərəbşünas və şair Ulfrid Blant olub. Amma Dokterin qeyd etdiyi kimi onlar “eksentrik ziyafətlərə ərəb geyimində gəlsələr də, Blant ilə çox nadir hallarda nədə isə razılaşırdılar”.

1940-cı ildə Çerçil müsəlman ölkələrinin loyallığını qazanmaq üçün Londonun mərkəzi məscidinin tikintisi üzrə planı qəbul etdi və bu məqsədlə 100 min funt ayırdı.

Çerçil 1940-1945 və 1951-1955-ci illərdə Böyük Britaniyanın baş naziri olub.

Ölkə.Az