2014-cü ildə müxalifət düşərgəsinin fəaliyyəti necə qiymətləndirildi?

"Mən bu ili Azərbaycanda siyasi baxımdan itirilmiş bir il hesab edirəm".

Ərəstun Oruclu: "Xırda detalları nəzərə almasaq, xüsusi heç bir şey baş vermədi. Məsələn, nəhayət ki, müsavat partiyası qurultay keçirdi, partiyanın rəhbəri dəyişdi. Ancaq ümumilikdə nə isə xüsusi diqqət çəkən bir şey olmadı.

Mən indi müxtəlif saytlarda əhali arasında keçirilən sorğulara baxırdım. Sorğulardan belə məlum olur ki, əhali müxalifət liderlərinin şəkillərini, forolarını tanımır, adlarını belə bilmirlər. Məncə, fəaliyyətin ən real göstəricisi budur. Bir də ki, 2014-cü ildə o bu məsələ o qədər də aktual olmadığından mərkəz olaraq müxalifətin fəaliyyətini xüsusi olaraq izləməmişik".

Vurğun Əyyub: "Əslində, Azərbaycanda mühüm siyasi fəaliyyət üçün elə də meydan yoxdur. Bura xüsusi olaraq Müsavat partiyasında keçirilən qurultayı nümunə gətirə bilərəm. "Müsavat" partiyasının keçirdiyi qurultay əslində şəffaf bir işin üstünə ləkə yaxmaq oldu. Müxalifətin fəaliyyəti heç də cəmiyyətin ehtiyyaclarını ödəmədi. Son olaraq onu deyə bilərəm ki, bu il müxalifət heç bir fəaliyyəti ilə yadda qalmadı".

Sərdar Cəlaloğlu: "2014-cü il tam durğunluq şəraitində keçirilən il oldu. Nə hakimiyyətdə, nə müxalifətdə heç bir inkişaf olmayıb. Eləcə də, ölkədə inkişaf tempi də aşağı düşüb. Xüsusən də, inkişaf sahəsində çox böyük geriləmələr müşahidə olunub. Mən bu ili Azərbaycanda siyasi baxımdan itirilmiş bir il hesab edirəm".

Ölkə.az